正氣Twins KO陳冠希

近日陳冠希（Edison）再爆出慾照事件令形象再次跌入谷底，連廣告商也紛紛卻步。反觀一直是廣告商寵兒的Twins，取代Edison擔任新一年的「亞洲遊戲大使」。

陳冠希跟16歲學生o靚模謝芷蕙（Cammi）的慾照風波鬧得滿城風雨，連帶跟他有過感情瓜葛的人都受到影響。

曾跟Edison有過一段情的鍾欣桐（阿嬌），對於取代舊愛任「亞洲遊戲大使」，她說：「年年都搵唔同人o架啦！」在旁的蔡卓妍（阿Sa）亦附和：「總之今年係我哋啦！」兩人昨日以一身型格打扮現身片廠，為活動拍攝廣告及主題曲MV，而阿Sa更大騷香肩及美腿，盡展美好身段。

打機一文一武

獲任命為遊戲大使的Twins稱對打機有興趣，但喜歡的遊戲種類各有不同，弱質纖纖的阿Sa竟然喜歡足球Game，並且曾挑戰古巨基的「機王」地位，可惜輸得一敗塗地：「好難踢！未到半場就已經畀佢贏到大數七比零，真不愧係古巨基！」但阿嬌指自己不會玩格鬥和動作遊戲：「因為玩得太激烈手指會好痛，所以都係鍾意玩智力遊戲。」

久違三年出碟

Twins今次拍攝MV的主題曲，將會同時收錄在即將推出的廣東大碟內，成為其中一首主打歌，故兩人的形象經過悉心打造。至於新廣東碟現時正在製作當中，有望於明年農曆新年前推出。

三年多未有以Twins名義發表廣東專輯，阿嬌希望繼上一張國語碟後，再次參與歌曲創作：「同公司傾過想做一首輕快啲嘅歌，要開始搵靈感。」對於近日傳聞楊千嬅跟填詞人黃偉文（Wyman）不和，曾跟Wyman合作的她們均表示未有聽聞，相信只是傳聞，並非事實。