莫文蔚派喜糖惹大肚疑雲
新婚返港的莫文蔚（Karen）、陳奕迅（Eason）及鄭伊健等昨日到屯門巿廣場宣傳由劉鎮偉執導的新片《東成西就2011》。婚後首度開工的Karen大派喜糖晒幸福：「導演以為我咁快有咗先派糖，哈哈！」她直言升呢人妻後感覺「正啲」，又呻掛念老公：「老公煮嘢叻啲，所以我決定送爹哋本煲湯書畀佢學吓！」
此外，Eason被問到新歌MV被轟露骨，他笑言MV導演是杜汶澤，事不關己，他說：「睇完都有啲熱血沸騰o架！其實都唔知依家個社會嘅準則係咩，如果會喺電視播都會考慮修剪吓。」另外，伊健否認與女友蒙嘉慧會舉行水底婚禮，並自爆早前在內地拍攝《忠烈楊家將》一場千軍萬馬場面時，險發生墮馬意外。
莫文蔚大派喜糖，分享新婚喜悅。
愛整古做怪的陳奕迅，扮身旁公仔擺甫士。