徐淑敏食足5日泰Hea遊
最近誕下幼女的幸福少奶奶徐淑敏（Suki），生女前跟老公黃浩到泰國蘇梅島旅行，實行旅行胎教！她笑言老公怕她操勞，故5日4夜的旅程中，有4日都留在Resort，雖然有點悶，幸好可享用美食：「啲食物好好味！最鍾意食一個好似印尼炒麵嘅小食，係用特製豉油整，好味過所有麵！其實我奶奶係印尼華僑，工人姐姐都係印尼人，所以我返到香港後，係咁叫工人姐姐煮印尼炒麵畀我食！」
吃喝之餘，Suki與老公留在房中多：「我哋好Hea咁，不過好開心，因為老公可以真正Relax，如果留喺香港，佢實會掛住啲生意！」她透露每朝一早起床，就可以看見藍天白雲，加上島上沒有太多人，所以覺得很平靜：「我哋仲喺沙灘漫步，好回味！」
徐淑敏暫時忘記體重，開懷大飽口福！
黃浩放下工作，與老婆旅行去。
房間外有個小型水池，更可眺望怡人景色。