疑翁美玲「上身」
另一個令思浩難以釋懷的鬼古，與前無綫花旦翁美玲有關，並由一名女特約演員致電節目爆料：「佢同個女朋友一齊開工，女朋友好似『鬼上身』，事件原來同1985年自殺嘅前無綫藝員翁美玲有關！佢哋出事當日，去馬鞍山嘅外景場地『天外天』拍古裝戲，但佢個女朋友一直喊，口中唸唸有詞：『我唔想死o架……』後來PA叫佢埋位又唔肯，導演最後放棄佢，直至女朋友返服裝間還衫時，服裝阿姐都鬧佢係傻，點知攞番佢件衫時先睇到領口貼住『翁美玲』個名，件衫係阿翁當年拍無綫劇《天師執位》嘅戲服，服裝阿姐覺得好邪，即刻將阿翁啲舊衫拆晒名牌！」
