阿Sa甜笑鬧傻 未敢嗌奶奶

多對真假情侶昨日在頒獎禮記者會上聚首一堂，包括蔡卓妍與陳偉霆、周柏豪與吳雨霏，以及薛凱琪與方大同等。雖然刻意被分開，但蔡卓妍提起男友即笑得極甜，更揚言未有「奶奶」！

陳偉霆（William）日前形容女友蔡卓妍（阿Sa）的媽咪為「外母」，昨日阿Sa被問及此事時說：「我媽咪對佢OK，見面都會掛上笑容。」並透露二人夾份送手錶給媽咪作生日禮物。談及William與其母同日生日，阿Sa表示已想好送甚麼禮物給男友，但要保持神秘，問到如何與「奶奶」慶祝，她即反問：「咩奶奶呀？未咁快！」記者讚她比William叻，她即笑說：「係呀！佢傻傻哋！」

Eason玩謝Kary柏豪

至於緋聞情侶周柏豪與吳雨霏（Kary）則一同受訪，見Kary一臉尷尬，陳奕迅（Eason）即上前取笑：「乜你兩個一齊o架？」Kary耍手擰頭，Eason再「火上加油」說：「唔同公司一齊做訪問，樂壇大突破！」談及孫耀威為女友陳美詩向無綫開火，Eason說：「畀着我都嬲，但唔方便講。（驚影響同無綫破冰？）關咩事！佢以好朋友身份發脾氣，唔關唱片公司事，唔好諗咁多。」而鄭融則拿好友薛凱琪與方大同的緋聞開玩笑。

此外，最近有傳楊千嬅因爆粗鬧黃偉文而結怨，以致冇份演出對方明年2月在紅館舉行的作品展，昨日千嬅澄清雙方是朋友，否認曾爆粗，並指對方寫了不少好歌給她。

另外，昨日有自稱是阿Sa歌迷的網友在微博批評鍾欣桐，阿Sa即留言為好姊妹護航：「討厭以愛之名去傷害別人的人，如果愛我為何不可以尊重我的一切！為甚麼一定要出口傷人！」