惠英紅自爆做蟹民
剛由內地拍戲返港的惠英紅，前晚抽空出席香港著名設計師Dorian Ho時裝騷，她透露日內會為新片開工，飾演一名大毒梟，但全程不用打，她說：「仲打咩？幾十歲唔好喇！想拍多啲有發揮嘅角色，等人知道我都識做戲。」並指早前在內地拍了一部戲講母子情，很喜歡戲中的農村婦女角色，問到長時間在內地工作，可有認識富二代，她沒好氣地說：「冇呀！（富商呢？）咁易咩？」不過她表示想趁香港樓市下跌買樓，但朋友勸她稍等，她自嘲：「買股票就買邊隻跌邊隻，始終都係買磚頭穩陣啲。」
另外，同場的童愛玲早前趁空檔拍了一部短片，即惹來八歲囝囝投訴：「有次拍完通宵戲返屋企，個仔即刻問我點解唔返嚟瞓？佢好黐身仲要同我一齊瞓，為咗等佢獨立啲，每晚只陪佢十分鐘。」不過她強調兒子絕對放在第一位。
惠英紅想趁樓巿下跌買樓保值。