JM唔想死拒黐Laughing

黃宗澤和Janice Man(JM)前晚在中環出席Pandora活動,JM透露早前跟朋友到大阪旅行,擔心受輻射污染:「去完返嚟先識得驚,因為有朋友去完蜜月返嚟有輻射反應,我仲未Check,遲啲要Check吓。」她又表示有份參與的電影《Laughing Gor之潛罪犯》已開工,她飾演Laughing的聯絡人,與謝天華有很多對手戲:「幾好玩,未做過呢類角色,角色後嚟幾慘,幾感動。(係咪要死?)都唔知點解黐親Laughing都要死,所以我唔黐佢呀,要唔要死到時睇就知。(有冇親熱戲?)同Laughing有感動位,係咪親熱戲就之後揭曉。」

黃宗澤被問到有傳女友胡杏兒是內定視后,他說:「邊有得攞硬,粉絲投票好重要,我對佢有啲寄望。(想唔想一齊攞?)佢呼聲幾高,反而自己機會唔係好大,因為有Laughing哥同祥仔。」對於陳美詩車禍受傷令TVB被指刻薄一事,他說:「有時為咗拍攝冇辦法,但未試過要男女同房。(公司準備不足?)可能溝通上出咗問題,依家最緊要係快啲康復。」另一邊廂,謝天華獲北京一頒獎禮頒發「網上人氣大獎」,雖然快開拍無綫新劇,但亦有內地古裝劇找他拍攝,無綫更出面替他傾檔期,天華坦言從未拍過內地劇,酬勞亦相當理想。

謝天華獲頒「網上人氣大獎」,感到十分興奮。

黃宗澤和Janice Man前晚齊齊出席活動。