李嘉欣教囝囝要專一

陳冠希與Cammi的慾照事件鬧得熱烘烘，李嘉欣前晚出席活動時坦言從女性角度看會不舒服：「同咁多女仔影，任何一個女性都唔舒服。（佢唔尊重女性？）我有女會好擔心。」問到怕囝囝Jayden長大後似陳冠希般多桃色煩惱？她表示囝囝雖然只得八個月大，但已打算從小灌輸正確性觀念，教他如何尊重女性：「煩惱係自尋，希望從小灌輸正確性觀念畀囝囝。（叫囝囝拍拖要專一？）OK喎！似Daddy反而乖得滯！家庭環境好影響小朋友對異性嘅睇法，女仔係要錫同尊重！（亨亨專唔專一？）我知道嘅範圍內係！」此外，她昨日出席床具活動時自爆結婚時買床有試貨，與老公試足三日三夜，又透露跟老公曾分房瞓。

另一媽咪女星吳綺莉坦言會以此作題材教女：「我個女呢個階段好怕醜，呢啲咁核突嘅相，我問佢會唔會影，佢話唔得囉！（提囡囡同異性接觸要小心？）佢講到呢啲話題好尷尬叫我轉話題。」而鄭裕玲前晚出席活動時說：「啲相都冇乜嘢！我就冇影過喇！都唔明呢啲咩道理，影完又要擺出嚟。」