黃榕爆Edison氹掂影褻衣相

「淫照事件」主角陳冠希（Edison）被揭偷嗒16歲學生o靚模謝芷蕙（Cammi），再受千夫所指！其緋聞舊愛黃榕忍無可忍，再爆其癖好，指對方曾要求她穿粉紅透明褻衣影相，半推半就下應承，回想十分後悔！

(界)女王陳冠希自08年淫照事件後，最近再被揭與16歲學生o靚模Cammi啜嘴伸脷自拍，更要求對方穿制服給他拍照，引來全城熱話！Edison緋聞舊愛黃榕不忿他繼續風流，狂鬧之餘亦爆他有「戀物癖」！她接受本報電話訪問時表示，Edison曾為她購買粉紅色透視內衣，似足成人情趣用品，只足以遮掩三點：「着咗等於冇着！」但在男方多番甜言蜜語要求下終衰心軟，她穿上褻衣讓他拍照：「嗰陣感覺真係好差，好似畀人強暴！佢話件內衣值幾千蚊，但同女人街幾十蚊貨色冇咩分別。（咁耐影咗幾多次？）只係嗰晚一次！諗番都覺得惡心！」

「次次都話好需要」

黃榕又指當時Edison猶如專業攝影師般攞齊角度拍攝，但沒有要求她擺高難度甫士：「佢狂讚靚！話會Send番畀我，但我冇睇！走嗰陣覺得好核突，打畀佢叫佢Delete啲相，佢話會o架！」不過，她從來不知對方有否刪除相片，故覺得計時炸彈隨時爆發。

恨錯難翻的黃榕又表示，兩人相識多時才有親密關係，回想只因貪其靚仔，現時非常後悔！提到被指多次神秘上男方家為Edison解決「燃眉之急」，她踢爆Edison最初仍與姊姊陳見飛同住，但仍懶理對方是否在場，照樣急Call她上門：「佢次次都短訊話好需要，唔知當我係咩，只係滿足自己喜好！諗起都想嘔！」但她指Edison沒有要求「野戰」，多數只留守家中舒服的場所如床及梳化。

對於Cammi聲稱與Edison沒有性關係，「過來人」黃榕昨日到now電視台接受訪問時表示難以置信：「陳冠希唔會咁易放過人，相入面佢都冇着衫，仲要兩個塊面紅晒好High咁，點會淨係錫咁簡單！」問到會否覺得Cammi博宣傳？她亦認為遺失電話的原因太巧合。

Profile

黃榕（Gloria）

年齡：30歲

三圍：32C、23、33

出道經過：04年與雷凱欣合組「Sexy Doll」入行，曾擔任成人網站Web-J，又曾參演電影《九個女仔一隻鬼》、《百年好合》及《綫人》，亦是「高潮樂隊」前成員，近年主力擔任內衣及泳衣模特兒及擔任打碟工作及再出寫真集。