Jeana孖Pad谷胸驚色鬼埋身

o靚模何佩瑜（Jeana）前晚以超性感護士裝出席萬聖節活動，谷出不倒胸的她，笑言想幫被鬼嚇親的人士急救，同場的名模Ana R.則露黑Bra搶「峰」頭！

前晚的萬聖節活動吸引多位藝人鬥扮嘢，包括「加墊護士」Jeana、「大碼柯德莉夏萍」原子鏸、「疤面武士」Ana R.、「兔女郎」黃榕，以及「黑白天鵝」黃芝琪與蘇頌輝等。其中Jeana「不倒胸」再現，加上露腰又露腿，吸引大批龍友狂影！她直言不敢以此裝束通街走：「我驚落唔到的士呀！又驚有好多人飲醉會亂嚟。（點解扮護士？）好多人會畀鬼嚇親，我幫佢哋急救！」自爆用了兩個胸墊的她，明年才實行隆胸計劃，而Size則由醫生決定，不會谷到上頸。

至於名模Ana R.則露出黑Bra騷事業線，並表示沒有黐膠紙防走光。前晚生日的她收到不少禮物，包括電腦、電話及珠寶：「願望係大家不醉無歸！（新男友呢？）未係！不過佢做完嘢會過嚟。」至於受官司困擾的原子鏸則表示心情未受影響，照樣享受開P。

黃夏蕙被色誘

除「兔女郎」黃榕外，「套女郎」黃夏蕙亦趁萬聖節前夕湊熱鬧！昨日她在旺角街頭派避孕套，並自爆年輕時曾遭色誘，但因擔心懷孕而沒有嘗禁果。

此外，模特兒楊汀叮則偕師妹到迪士尼樂園感受萬聖節氣氛，她自爆很怕鬼，更遇過靈異事件：「我細個喺屋企見過精靈，佢哋依附喺冷氣機度，好似迷你公仔咁，而大個啲去台灣做嘢，間酒店房半夜自動開燈同開電視！」