新人林夏薇與前港男袁偉豪（Ben）日前為無綫新處境劇《結．分@謊情式》拍攝外景，拗腰熱吻大玩花式，激情十足。劇中飾演契兄妹的二人雖然情投意合，但礙於身份未能表白，所以在極度抑壓下，薇薇發夢咀阿Ben。薇薇拍攝時面對街坊圍觀相當緊張，幸得阿Ben不停講笑緩和氣氛，令她不會太尷尬。這場咀戲拍了六、七次之多，問到可有向堂兄林峯請教拍咀戲？薇薇說：「演技會請教，但問點拍咀戲好似好搞笑。起初真係好緊張，但咀咗幾次後都冇乜嘢！（咀出真感情？）咁又唔會，我識得抽離！」
獻出螢幕初吻的林夏薇與袁偉豪咀到拗晒腰。
