名人明肇豐帶着兩名小朋友出席派對，散場時女兒面上畫了大花面，他說：「派對都幾大陣仗，兩個小朋友玩到捉唔住，每個角落都有活動，又有好多動物好似蛇同松鼠，魔術表演好精彩，但搞到我都跟唔上，裏面又有好多糖及朱古力噴泉。」名模歐陽妙芝亦與兩子出席，指兒子玩得很開心：「佢哋睇魔術好興奮，魔術師會同你互動，同佢哋變波波！」周國豐亦一家大細出席，太太羅泳霖更懷有第二胎。另外，昨午楊受成伉儷與家人包括女兒楊黛思、兒子楊其龍及外籍女友到酒店用膳，楊超成與女兒Vincy亦同行。
歐陽妙芝讚派對好玩，兒子更樂而忘返。
明肇豐一家人出席派對，與主人家合照留念。
