李亞男：佢好Charming
對於祖藍封口不再講戀情，李亞男亦覺得是時候與男友「劃清界線」：「每次出嚟都畀人問住祖藍，老實講係開心，因為得到大家認同，但拍咗咁耐拖都係咁嘅時候，我就開始擔心啲人係咪淨係見到王祖藍、見唔到我李亞男呢？呢樣令我有少少唔開心，再加上公司同經理人都希望我可以注意番工作。講真我一個人嚟到香港，都係想事業上好啲啫！」
雖然選擇封口，但亞男與祖藍同樣已認定對方：「我哋決定一齊時都係向住呢個目標，但係我哋知道結婚係兩個成熟人嘅事，我成日都覺得自己唔夠成熟，我想再成熟啲先諗。」
對於祖藍指她是Sunshine，亞男指祖藍是雨水：「植物冇咗雨水同太多雨水都會死，有適當嘅分量就最好。」問到祖藍最大的優點及缺點？她說：「優點係佢好愛主，呢樣令到佢成個人好Charming（吸引），缺點係太聰明，成日笑我同窒我。」
李亞男形容祖藍是雨水，更盛讚袓藍Charming。（資料圖片）