關心妍比熊犬偷食驚到震
關心妍（Jade）一向愛心爆棚，家中養了一頭比熊犬仔仔Yogi！她表示是當年入行時買的，陪她走過多個演藝生涯年頭，她亦曾帶Yogi出席活動。白雪雪的Yogi眼仔睩睩，十分可愛，但非常為食，有次因為食而惹禍，Jade說：「有次我買咗個菠蘿包放喺枱面，但之後得番個膠袋喺地下，我問晒成屋人都話唔係佢哋食，之後我發現Yogi匿咗喺廁所，我入到去一問，佢已經驚到係咁震，因為平時佢做錯嘢我哋罰佢喺浴缸，嗰時佢知道做錯咗，自己跳入浴缸唔敢出嚟！因為佢食晒成個包，搞到成晚喺度作嘔！」
Jade謂Yogi現已十歲，更加乖巧，加上曾有一個深刻的教訓，所以以後再沒有偷食，她說：「就算依家我哋畀新嘢佢食，佢都唔敢食，好似驚我哋毒死佢咁，要見我哋食佢先肯食！」
關心妍對Yogi疼愛有加。
白雪雪的Yogi伸脷，十分可愛！