「爆E超蓮」Iris 唔鍾意「女仔」
電影人蕭定一前晚帶同「爆E超蓮」鍾采羲（Iris）及「翻版大S」李宥彤（Liz）等出席電影《3D肉蒲團之極樂寶鑑》五分鐘4D版本的播映會。
Iris早前被指與唐貝詩關係密切而傳出斷背情，她先否認她倆是同性戀，只當作是笑話一則：「同佢由細識到大，影到我哋親密係角度問題，當時我哋講緊同男仔之間嘅關係，我同佢百分百鍾意男仔。（佢失戀向你訴苦？ ）唔係，都唔算，事件冇影響我哋之間嘅友情，之後大家都SMS聯絡。」
同場的Liz則表示可以接受拍三級片，但底線是三點不露：「就算我肯露都冇人想睇啦，我都唔夠3D，好平面，對身材冇信心。如果有人搵我試鏡，都想問吓佢點解會搵我。」她又透露現忙於廣告和模特兒等工作。
Iris（右）仍是單身， 雖有男性追求但未有合適對象。