吳千語同吳尊唔過電

監製黃百鳴重點力捧的女新人吳千語，昨日與陳嘉寶等新開心少女組成員宣傳新片，剛滿18歲的千語坦言想增強桃花運，但聲稱只當同片的吳尊是哥哥。

女新人吳千語最近獲監製黃百鳴力捧，首次拍戲《開心魔法》即擔正女主角，與台灣男星吳尊更不乏感情戲。昨日她與陳嘉寶（Anjaylia）、潘杰寧、李蔓瑩（Renee）及郭善珩組成的新開心少女組一同宣傳電影，大晒青春活力，與Fans大玩萬聖節遊戲。

望新片大收

席間，工作人員為剛滿18歲的千語送上生日蛋糕，單身的她表示願望是電影大收，也想增強桃花運：「我哋幾個女仔都冇咩桃花，希望嚟緊會多啲！」她透露日前在北京度過生日，當時與吳尊及劇組人員一同食烤鴨慶祝，令她大為感動，想不到身在異地也有人相陪，問到吳尊是否其心水男友類型？她即大讚對方親切又開朗：「好多女仔都鍾意佢，但我當佢係哥哥咋！冇發展可能。」對於第一次拍戲即做女主角，令她非常開心，她表示期待欣賞自己處女下海的演出，並視影后周迅為奮鬥目標。

有較多拍攝經驗的Anjaylia大讚千語聰明勤力，會督促她們為電影練習排球，並指一班女仔開工充滿笑聲：「我哋又嘈又狂食零食！（唔怕肥？）不停打排球消耗晒！」千語亦自誇食極都咁Fit，並透露戲中有不少動作場面，拍攝一場落雨踩單車戲時更不慎炒車受傷，幸好只是擦傷手腳。