林忠豪想結婚 莊思敏認見過家長
緋聞男女林忠豪及莊思敏昨日首次一同出席公開活動，問到是否以情侶檔現身？莊思敏斬釘截鐵地說：「唔係情侶，係朋友檔或者兄弟檔！（發展空間？）暫時未見有進一步嘅空間。」問到林忠豪會否介意緋聞被炒作？他表示不會避忌，還突然自爆想結婚：「追嘅一定係結婚對象。（有咩條件？）最重要係溝通，相處到。（媽媽催婚？）未到催，想我審慎啲去揀。」問到莊思敏有否見過他的母親？林忠豪支吾以對；相反莊思敏直認：「有見過，不過係食飯時撞到。」活動結束後，莊思敏坐林忠豪的名貴房車前往中環四季酒店用膳，逗留了45分鐘，雙雙步出酒店，然後各自乘車離去。
此外，甄詠珊前晚谷胸出席亞視節目巡禮，談到與林忠豪的緋聞時，她表示雙方是認識四年的朋友：「佢都唔係我杯茶！我鍾意藝術家類型！（舊愛黃宗澤？）阿邊個都真係好Funny嘅！」
林忠豪及莊思敏首度一同出席公開活動，大方合照。
甄詠珊谷胸現身撐亞視。
活動後莊思敏與林忠豪撐枱腳。