謝安琪母子團聚 囝囝爆喊

謝安琪早前到內地拍攝電影，是與囝囝張瞻分隔兩地「史上最耐一次」，重遇時，囝囝更交足戲委屈流下男兒淚，盡得曾當童星的爸爸張繼聰真傳！

謝安琪（Kay）前晚在尖沙咀為新碟舉行簽名會，早前她與助手自掏腰包各買下10張專輯，並在網上舉行問答遊戲比賽，她說：「個簽名會遲咗公布，有學生歌迷一早就買咗換唔到簽名證，所以有呢個行動。」提到早前在北京及敦煌沙漠與周海媚及呂頌賢合作拍攝電影多月，她自言曬黑了，並說：「期間都有返嚟，最長有三個星期冇見過囝囝，佢一見到我即刻喊，好委屈咁，估唔到佢演技都有啲功力！」她又透露老公張繼聰曾到敦煌探班，更迷上當地風景，希望有機會一家到敦煌旅遊！

搞聚會冧Fans

忙於抓緊在香港宣傳時間的Kay，昨日連跑三場，她說：「嚟緊要去內地宣傳同舉行小型音樂會，所以排得好密，要趕年尾返嚟出席頒獎禮。（怕唔怕香港歌迷呷醋？）佢哋好乖豬嘅，見佢哋咁乖，嚟緊都會有個私人聚會，如果話喺香港搞音樂會，可能要等明年紅館個唱喇！」