美國返港變靚咗 Kary豬膽激變間尺鼻
前女子組合Cookies成員鄧麗欣、傅穎及區文詩等先後捲入整容疑雲，最近連入行時被稱為「醜小鴨」的吳雨霏（Kary）都被指加入「變靚」行列！今年7月她到美國放假充電返港後，被發現鼻子有變，「豬膽鼻」突變「間尺鼻」！對於捲入整容疑雲，Kary昨日哈哈大笑，沒有「鼻」而不談：「咁咪好囉！（整容？）冇，你哋咁講我反而開心！入行9年，終於有人讚靚！」
對於鼻樑變直、鼻頭亦變小，Kary說：「冇可能！我個鼻好大，點會細呢？有相士話呢啲鼻先正，唔好搞佢！（美國返嚟後鼻樑直咗？）係咪角度問題？（接受整容？）入行時畀人踩到好醜，曾經心郁想去整，但我始終賣歌唔賣樣！（打Botox？）唔敢，上咗年紀先考慮！」但她直認近期多了追求者。
柏豪：冇可能變醜
至於周柏豪亦力撐緋聞女友Kary：「靚係自然嘅事，冇可能愈來愈醜！（接受女友整容？）接受唔到喎！」
柏豪力撐Kary冇「變臉」，認真夠老友！ （資料圖片）
02年初出道，Kary(左四)五官乜都大，相當顯眼。
06年，Kary開始有點「造型」，但「豬膽鼻」仍在。
Kary最近突變「間尺鼻」，令人嘖嘖稱奇！