歌手韋雄早前在北京逗留2至3個月錄HiFi新碟，順道四出遊覽，他以「神奇」形容北京：「北京有好新穎嘅建築物，亦保留咗好多歷史文物，我最鍾意遊胡同，可以睇吓中國文化，吸吓靈氣。」他還在師傅陳少琪帶領下到笛子舖見識：「啲笛咩設計都有，唔只係樂器，簡直係藝術品！」
韋雄此行還大飽口福，每天都食餃子、水煮魚及冰糖葫蘆等，但最愛當然是烤鴨！他說：「香港食片皮鴨咪會夾餅食嘅，但北京依家興用棉花糖包，嘩！真係開心大發現，啲棉花糖混埋啲又香又嫩嘅鴨肉，真係人間極品！」