蕭敬騰粉絲藐爆娜姐遲大到：唔好黐咁埋！

周秀娜前晚遲到45分鐘才現身首映，被拍檔蕭敬騰的粉絲冷言相向，着她不要到場，更切勿黐着偶像合照。

周秀娜（娜姐）、台灣人氣偶像蕭敬騰、曾志偉及曾寶儀等前晚出席《亞洲電影節2011》舉行的電影《殺手歐陽盆栽》首映，女主角娜姐因塞車遲到45分鐘，近百名蕭敬騰粉絲替白白呆等的偶像不值，故不時埋怨娜姐，叫對方不要出現，眼見娜姐與偶像合照更肉緊地說：「唔好黐咁埋！」

認衰沙冧

即使谷胸上陣的娜姐頻頻沙冧，但似乎無補於事，對於被蕭敬騰粉絲責罵，娜姐說：「我已經同志偉講對唔住，都知今日有朋自遠方來，真係唔好意思。（Fans仲叫你唔好黐咁埋！）都知Fans好熱情，地方問題啫！（覺唔覺Fans冇禮貌？）護主啫！我都好鍾意佢。」娜姐更表示稍後會一盡地主之誼，帶蕭敬騰品嘗他最愛的西多士。而蕭敬騰則指對娜姐被其粉絲責罵毫不知情。此外，娜姐男友陳偉成（Avis）昨日於Facebook表示因母親入院做手術而很擔心，其後接受電話訪問時，問到女友會否前往探望，Avis說：「佢好忙費事打擾佢，又唔想佢擔心，所以就冇同佢講。」