Lynn車形蛋糕攻城
名模熊黛林（Lynn）前晚出席Burberry新店開張活動，雖與梁漢文撞衫，但她坦言不介意，又向記者展示其七吋高跟鞋，但差點失重心向前仆，她說：「我行得好慢，差啲跌親！」問到如何與郭富城慶祝生日？她說：「當晚有好多朋友，其實多人熱鬧啲先好玩，多朋友慶祝先幸福！（送乜生日禮物？）今年特別有幾樣，最特別係喺香港訂咗一個車形蛋糕。（邊款車？）你哋冇見過，總之一打開蛋糕，全部人『嘩』一聲！（有冇送香吻？）我唔講呢啲！（往年攻城成功？）都唔係，係你哋影到誇大咗件事。（今年冇影到？）今年好彩啫！」
同場的黃曉明只留港一天，及後會返山西拍《血滴子》，問到Angelababy有否探班？他反問記者：「還有別的問題嗎？」他又表示忙得沒有時間見父母，有空只顧睡覺。因Angelababy在內地工作未能陪伴，曉明昨日惟有相約數名友人到中環歎茶。
Lynn送車形蛋糕賀城城牛一，可謂投其所好。
黃曉明坦言工作忙，有空便睡覺。
梁漢文雖與Lynn撞衫，但無傷大雅。