阿Sa：冇嘢再傷到我

蔡卓妍（阿Sa）入行十年經歷高低起跌，最痛相信是與鄭中基離婚，但亦令她學會放開。前晚，她捱冷出席北京舉行Maison Martin Margiela全新旗艦店開幕暨2012春夏時裝發布會時自言，近一、兩年最開心：「我同阿嬌曾經歷一啲嘢，最差都經歷過，差無可差！呢一、兩年過得最Free，冇嘢再傷害到我。（變得大個女？）係啩！以前想自己成熟啲，但依家成熟咗就想返老還童。（同陳偉霆拍拖返老還童？）佢細過我喎！但佢某方面好成熟。」還坦言不想經常以情侶檔接Job。同場的古天樂指腳傷已接近康復，現仍忙於拍戲：「新年前要拍兩部電影，都有啲動作戲！」

阿Sa參演的內地劇於意大利播映，令她甚感高興！

阿Sa與古天樂（左）坐頭排睇騷，甚受重視。