諸葛紫岐百萬靚車冧男友
名模諸葛紫岐最近被指月賺逾百萬元，前晚她睇騷時沒有否認，只表示積極工作買禮物給男友薛嘉麟：「下個月主席（指薛嘉麟）生日，想送啲保值禮物。」問到是否送車，她驚訝地反問記者為何猜中：「都有諗過，如果買就會買房車，唔會買跑車。（等佢冇得揸跑車溝女？）為我自己安全。（Budget幾多？）佢鍾意啦！（過百萬都捨得？）佢鍾意都會。」並承認買得起百萬房車。談及婚禮，她表示已跟Wedding Planner開會，但詳情要賣關子：「總之係明年3月或4月。」
至於貝安琪則與好友Rosemary捧場，對於緋聞男友尹子維與原子鏸傳緋聞，她指二人只是出席活動後一同食飯，問到如此清楚行蹤，是否拍拖？她哈哈笑說：「係死黨！（佢哋拍拖？）唔知，亦唔會八卦，佢哋識咗好耐，同聲同氣。（合襯？）梗係襯啦！」
工作密麻麻的諸葛紫岐，坦言買得起百萬房車贈男友。
貝安琪（左）與Rosemary結伴睇騷。