梁家輝笑「熊」顏：佢哋有好深刻交流！
影帝梁家輝出席電影《寒戰》記者會時，稱讚城城是天王影帝：「第二次合作，人冇乜變，幾好！佢演技步入老練，佢都有幫到我少少入戲，以前佢自己都顧唔掂、亂晒龍，又話死喇咁樣，依家好穩陣。」問到會否與城城慶生？他笑說：「佢鬼得閒同我哋食咩！」談到熊黛林，他大讚演技穩重：「由模特兒做到演員，如果啲報道話佢哋係男女朋友係真嘅話，佢哋私底下一定有好深刻嘅交流、講心得，佢（城城）咁肯幫人！但咁少時間相聚，唔知有冇時間講呢啲嘢！」同場的台星彭于晏表示很高興與兩位影帝合作，問到有否信心奪金馬影帝？他謙稱有提名已感高興。
梁家輝（右）與城城搭晒膊頭，大讚對方演技穩陣。