Jeana為細佬密封事業線
何佩瑜（Jeana）昨日打扮性感出席卡通片活動，與OctoBeez成員王麗嘉（Rika）俯身砌模型。Jeana自爆有次買模型，打算與8歲大的弟弟合作完成，但她不經意睡着，醒來時弟弟已獨自砌好模型，令她感慚愧！她透露因工作太忙無暇陪伴弟弟，故每逢節日會帶對方到玩具店揀禮物作補償。
問到會否擔心弟弟接觸色情及暴力玩具？她表明會盡量少讓弟弟接觸：「媽咪唔畀佢睇我本寫真。（佢唔睇你啲新聞？）應該睇唔明啩，等我返去問吓佢先。我喺屋企會做番個正常家姐，着得好密實。（擔心佢學校啲同學認得你？）如果佢啲同學識得我會好開心，搵機會同佢去旅行面對吓啲同學。」
Jeana表示最貴買過價值一千元的模型送給細佬。