城城46歲牛一防熊

郭富城明日46歲牛一，但他拒與緋聞女友熊黛林（Lynn）過二人世界。宣布12月個唱加開四場的他，更向韓國天王Rain的御用排舞師「打主意」！

原定12月18日起在紅館舉行一連10場演唱會的城城，昨日宣布加開28至31日共4場個唱。適逢明日是城城46歲生辰，主辦商張耀榮送上「雙封」大利是賀城城雙喜臨門。因個唱反應好，城城自爆慘被「Cut飛」，記者提議他安排Lynn在台下幫他換衫，便不用Lynn買飛，但城城笑言多年來已有兩名受過專業訓練的人幫他換衫。

打Rain排舞師主意

問到正日生日是否與Lynn二人世界慶祝？城城笑說：「唔係咁鍾意二人世界。（加埋Lynn隻愛狗？）咁嗰個唔係人嚟嘛！（約定Lynn等佢有時間扮靚？）晏啲諗諗啦！我知你哋好關心我。」他稱個唱有意請韓國的排舞師，因剛入伍的Rain舞技出色。至於是否打Rain的排舞師主意？城城故作神秘說：「賣吓關子，有機會嘅，知己知彼！」此外，對於在飛機上疑被空姐偷拍睡覺相，他指對方的行為有些不對，但不會刻意追究，相信航空公司會自行檢討。