周柏豪與余文樂前日帶領籃球隊「橫洲工業」出賽，兩人共取得十分，最終以52比36勝出，柏豪的緋聞女友吳雨霏則未見捧場。比賽期間，一直落後的敵隊茅招盡出，樂仔剷籃時被批，柏豪跳高傳波更慘遭「偷桃」。
賽後柏豪直認下體受襲：「Feel到，但冇事，當時都唔理咁多。（痛？）有，始終係一個器官，仲健在，唔使擔心！」樂仔指打波一定有碰撞，但認為不應猶如打人般，問到有否撞傷？他說：「冇事，之後都唔敢衝，避免有任何受傷，最緊要贏波！」
被「偷桃」的周柏豪直認感到痛楚。
余文樂比賽期間成為「攻擊」目標，坦言之後「就住嚟打波」。
