姜皓文跟杜琪峯學嘢
亞視藝人姜皓文（黑仔）最近參演不少杜琪峯電影作品，更有機會與劉青雲合作，由於新片講及股票投資，黑仔表示現實中完全不懂股票，只會「投資」在老婆金慧英（前亞視藝員）身上。他說：「我啲財務管理全部老婆話事，由買樓、開餐廳到寵物店都係，不過依家全部冇做，主力拍電影。（跟杜Sir學嘢？）係呀！最近佢有部新戲，加上又做宣傳，忙到老友孫興生日叫我去北京慶祝都去唔到。」
一副黑黑實實「壞人樣」的黑仔除了拍戲，亦為亞視《香港有飯開》拍外景，更常被安排與師奶玩煮飯仔，營造搞笑對比效果，黑仔亦樂於奉陪：「我啲廚藝差唔過啲師奶o架！」
