壽星鍾一憲大談代表作

樂壇新人鍾一憲於與粉絲到燒烤場「熱辣辣」慶祝23歲生日，更獲拍檔麥貝夷獻吻，壽星仔感動到眼濕濕，更揚言想有代表作。

與麥貝夷憑一曲《勾手指尾》網上點擊率逾百萬而爆紅的鍾一憲（Jason），早前於23歲生日前夕舉辦燒烤生日派對，與近百名Fans歡度。粉絲除了密密燒嘢食「取悅」他外，又接連送上驚喜，麥貝夷則送上Birthday Kiss，令壽星仔拍攝紀念短片時也忍不住感觸落淚：「諗番以前，其實16歲已經簽第一間公司，到今年先稍有成績。舊年啱啱出道冇人識，亦都冇自信，只有二十個Fans同我一齊過（生日），今年有咁多人，真係好感動！」

半百煲呔堆滿屋

談及生日願望，身為歌手的Jason除了想推出個人大碟及開騷外，初涉足影壇的他更說：「其實一直好想有代表作，早前拍過一部電影，希望以後有多啲機會拍戲。」

另外，Jason透露粉絲送的禮物逼爆其寓所露台，他笑說：「啲Fans知我鍾意戴煲呔，所以今年已經收到四、五十個，真係好開心。」