岑潔儀搵啱飯票恨做「主」婦

本報日前披露無綫女藝人岑潔儀已訂婚，她表示收到很多恭賀短訊，但不少朋友以為她「奉子訂婚」，令她哭笑不得！她還透露婚後會繼續工作，打算進軍主持界。

台灣音樂才子陶舊愛岑潔儀（Zoey），日前被本報踢爆已與圈外男友訂婚！Zoey日前受訪時難掩喜悅之情，表示已收到很多朋友的祝賀短訊：「有朋友以為我『有咗』，梗係唔係啦！我以前情路都幾坎坷，依家難得搵到個錫我嘅Mr.Right，我更加會珍惜。」

Zoey表示婚後不會減少工作，除了演戲外，對主持及司儀工作均有興趣，更視星級司儀鄭裕玲及曾志偉為偶像：「我之前都做過一啲活動司儀，其實最想拍旅遊特輯，因為可以四圍飛，同埋嘗試唔同地方美食！（唔怕肥？）都怕o架！但食咗先減囉！」她激讚鄭裕玲口齒伶俐，而且又有壓台感：「我有佢一半已經好好。（志偉呢？）志偉轉數好快，搞笑氣氛一流﹗」

收起性感免尷尬

此外，Zoey最近頻頻收起性感示人，被問到是否因為已為「人妻」要「封胸」？她笑說：「其實我唔介意性感，年輕有身材就唔怕騷，但就唔會太刻意性感。」她又指早前見過有o靚模戴着Bra落夜場打碟做DJ：「畀着我就一定唔會囉！我覺得會好尷尬。」