一直銳意在話劇界開闢新天地的唐寧，近日密集式為《辛辣人妻》及《關˙愛》同時進行綵排。問到曾揚言一年只演一部舞台劇的她為何大失預算，她笑說：「其中一部係重演o架！所以唔算反口，哈哈！今次可以話係我入行以來最大挑戰，從未試過同一時間要演兩種完全唔同性格嘅角色，一個係聲大大、論論盡盡兼有啲刁蠻嘅老婆；另一個係好沉重，背負住阿媽十五年前殺咗阿爸呢個沉重包袱嘅女仔。」
唐寧又指由於每天都要分早班及夜班接連為兩劇進行綵排，故險些精神分裂：「一時傷心到死，一時又笑到死，真係好傷神吓！」
唐寧忙於與王浩信綵排舞台劇。
