鄭文為 「錢」途洗底

約滿有線娛樂新聞台的靚媽咪主播鄭文，現已轉投新公司並簽約成好友郭富城師妹，她笑言由於有線形象太深入民心，令她冇晒「錢」途，更笑言是時候站出來「洗底」。

在有線服務長達八年的鄭文，今年五月毅然決定「轉會」為何麗全的now觀星台効力，她笑指梁思浩是「幕後黑手」：「由於我同有線喺續約方面有啲問題，我原本決定幫佢哋Freelance（兼職）拍《怪談》，點知就嚟簽約嗰陣，思浩咁啱喺泰北遇溺，高層話要Hold住個節目，就喺呢段期間，now打嚟搵我。」她坦言是次薪酬待遇及自由度也比有線理想：「我以前一星期返五至六日工，依家可能三、四日已OK。」

雖然表面看似前途無限，但鄭文卻笑言「錢」途危危乎，皆因不少客戶依然致電有線洽談與她的合作事宜，令她大感頭痛：「我覺得係時候企出嚟話畀人知我已經轉咗工，我要洗甩『有線』底！」

女兒獲小美疼錫

與郭富城簽約同一間經理人公司的鄭文笑指與城城甚有緣分，城城經理人小美對其女兒疼錫有加，她說：「佢成日話我個女好得意，似佢以前。」

髮型：Ming O4@No.8

服裝：Per me

場地：藩