彭順自爆與李心潔分房瞓

「鬼后」李心潔與導演彭順婚後首部合作電影《夢遊3D》,彭順直言對老婆更有要求:「對佢要求高咗,希望佢可以畀我睇到未睇過嘅一面。(佢唔會嬲?)點會?佢見到出嚟嘅效果好咗,自然就會開心。」工作上愈見合拍,但問到「造人」計劃時,彭順則說:「遲早o架喇!冇認真去計劃,但呢個係必經階段!」

於泰國拍外景期間,彭順透露與李心潔變得更有「距離」:「我哋喺拍嗰兩、三個月都分開酒店瞓,免得拍完返酒店休息仲會討論齣戲,亦避免不必要嘅拗撬。(唔慣?)兩個人有共識。」近年頻頻到泰國拍戲,他表示因大部分工作人員如攝影、美術等均身在泰國,問到會否拍一齣純在港取景的電影?他即笑說:「係都唔會喺香港,會返內地,內地市場好大!」

彭順透露婚後對老婆李心潔於電影中的要求更高。