貝安琪做啤酒妹 負責Call白車

德國是啤酒之都，擁有一半德國血統的名模貝安琪亦秉承這個優良傳統，從小開始飲酒的她練得好酒量，她更自爆讀大學前曾到酒棚工作，負責叫救護車送醉酒客離開！

名模貝安琪（Ankie）在德國土生土長，德國出名盛產啤酒，每年都有長達一個月的啤酒節慶典，奈何Ankie今年都要留港工作，無暇返德國，所以日前特地偕母親劉香萍出席《跑馬地馬場十月啤酒節》，她說：「之前都聽過好多人講呢個啤酒節，不過今年係第一次有份參與，呢度同德國啤酒節嘅氣氛都好熱鬧，仲有我最鍾意嘅推啤酒杯遊戲！」她玩遊戲時非常落力，引來不少途人圍觀，更贏到滿手獎品，包括毛巾及毛公仔。

自小開始飲酒的Ankie甚少喝醉，她知道快到極限就會主動嗌停，由細到大都跟啤酒結下不解緣。

酒鬼愛打架

Ankie讀書上化學堂時試過親手整啤酒，讀大學前曾在母親朋友的啤酒棚工作，不過提起此事她則大為頭痛：「我負責夜更，好多人已經飲到醉晒，有啲人會打架，有啲人會不停嘔，我負責叫白車處理佢哋！」今年沒有機會返德國飲酒，她惟有在香港啤酒節喪飲補數！