許穎佛山打碟遭摸籮

o靚模許穎（Phoebe）偕師妹夏然然到佛山打碟，入場時慘遭鹹豬手摸籮的Phoebe奮力「底」抗師妹的失「暈」舉動！

擁34D導彈的Phoebe前晚挾着4吋事業線與夏然然（Cassie）到佛山夜店打碟，二人甫落車即在近300名粉絲簇擁下入場。打頭陣的Cassie雖然第一次打碟，但毫不怯場，更當眾豪邁地脫下上衣露出Bikini Top，不過就疑似失「暈」，挑戰性感極限。壓軸登場的Phoebe亦不甘示弱，露出白色喱士內褲，加上二人隨音樂擺動身體，「波濤洶湧」令現場急速升溫！

寸Jeana唔專業

面對熱情Fans，Phoebe亦相當識做，主動送「波餅」，對於內地Fans形容她是「新一代性感女神」，Phoebe雀躍地說：「每次嚟到內地都好受歡迎，希望可以打入內地市場！」但她卻表示遇上不快事件：「啱啱入場時畀人揸咗Pat Pat一下，不過又搵唔到真兇，所以都冇得追究！」

Phoebe與Jeana（何佩瑜）同於內地打碟，但有指後者較扭擰，受歡迎程度大減，Phoebe聞言即暗寸對方：「觀眾嘅眼睛係雪亮嘅！接得呢啲工作就要同觀眾打成一片，我覺得如果啲人黑口黑面都好唔專業囉！」