高海寧暈吓暈吓疑有暗病

港姐出身的徐子珊、高海寧和陳庭欣昨日「胸」群而出，到尖沙咀出席剪綵活動。近期收埋「咪咪」的高海寧，以低胸Tube Dress性感到場，雖然子珊亦以連身裙「谷胸」上陣，但被「咪神」高海寧撼低，高海寧說：「呢排成日畀人話我只係騷背脊，今日隆重場合騷番少少。」現場吸引大批龍友阻塞馬路「獵艷」，驚動警察維持秩序。

高海寧近期在微博透露多次在家暈倒，又見氣促，她說：「可能係減肥食少咗嘢，父母都好擔心，遲啲都會做檢查，唔知有咩隱病。」對於佘詩曼拉隊離開無綫的傳聞，徐子珊認為只是炒作，她會留在無綫發展。

高海寧（右起）、徐子珊及陳庭欣性感出席活動。

高海寧被大批龍友逼埋牆角，嚇至花容失色。