小JM變小霸王玩殘嘉亨

李嘉欣前晚自爆兒子小JM變成「小霸王」！暴行包括掟鐘、扯耳仔、掟眼鏡及插眼球，搞到她與亨亨傷痕纍纍，慨嘆最多生多個便收工！

大美人李嘉欣前晚出席Loewe時裝活動，席間暢談湊仔經。問到會否希望早日再生BB？她表示順其自然，而愛兒許建彤Jayden Max（小JM）亦未要求有弟妹陪伴。問到老公想生多少個？嘉欣笑說：「兩個仲勉強可以，但當有人同佢講三個嘅時候，會見到佢個樣流露出恐懼嘅神情！」原來恐懼是來自小JM的「暴行」！

傷眼見紅 面留指痕

嘉欣指兒子活潑好動，還會「襲擊」父母，她說：「有時佢會人同插眼球，湊佢原來要有功夫底子先得！佢仲會拎起個鐘嚟掟我，好在我閃開咗，又將佢（許晉亨）兩隻耳仔扯開同掟眼鏡，可能湊男仔比較吃力！（變暴力B？）唔係！佢對每樣嘢都好奇啫！（訓示佢？）有！都會聽嘅，但我哋塊面同眼已經紅晒，仲有指甲痕留喺塊面！」她又笑言小JM似足貞子：「佢成日扶住啲傢俬喺度爬，無啦啦個頭升起。」她暫不打算讓小JM學功夫，擔心會好勇鬥狠。

問到小JM是否還叫她做「丫烏」？她即興奮地說：「冇啦！升級啦！依家叫『媽』，同埋喺我努力之下，佢黐番我多啲！我冇理幾辛苦，趴喺度同佢玩，建立番啲關係！」當記者再追問會否再生時，她仍表示順其自然。