發律師信保清譽 余毓興否認追栢芝
昨日有報道指張栢芝被經理人公司老闆余毓興大灑金錢追求，對此，余毓興氣憤地說：「根本冇啲咁嘅事，一個荒唐至極嘅假新聞，我同栢芝係單純嘅好朋友，係老闆同藝人嘅關係，呢件事已經嚴重影響到我太太、兒子、我家人同我嘅聲譽，已經向該雜誌發律師信，準備通過法律途徑解決。」
余毓興續稱他的兒子跟Lucas差不多大，他們經常一齊玩，而他的太太亦是栢芝好友，兩人亦不時談湊仔經，對於這種子虛烏有的傳聞，他十分憤怒！
除了緋聞外，昨日亦有傳正拍攝《危險關係》的栢芝，無故請假帶兒子出埠旅行，對此，余毓興說：「劇組上上下下都好滿意栢芝，都唔知點傳出嚟，假期嘅嘢好早已經編好晒，無中生有！」
另外，栢芝新單曲《曾經》MV已在全球首發，這首MV由栢芝親自操刀創作，很多幕後工作都由栢芝主理，對她來說別具意義。
由栢芝親自操刀創作的新單曲《曾經》MV，已於全球發售。