Eason笑王家衛 唔知拍乜
陳奕迅（Eason）、鄧麗欣（Stephy）和鍾鎮濤（阿B）昨日宣傳新片，對於黃奕與霍思燕的是非，Stephy坦言不清楚詳請，不便回應。席上，Eason笑指拍王家衛的電影，演員不知拍甚麼；但拍劉鎮偉的戲，演員知道自己「做緊乜」，事後問到會否擔心「玩大咗」？他說：「我講笑啫！睇新聞，拍佢嘅演員都係咁講啦！你哋唔係咁冇幽默感呀？定係想跣我？」
片中Stephy飾演反派，可以鬧人，問到有否鬧過方力申？她甜笑說：「暫時未有機會，但之前佢送咗一份好好嘅禮物畀我，係一個篋入面有好多花。（好冧？）OK啦！（入面有戒指？）冇搵過，戒指唔可以亂收。（小方送呢？）睇吓幾多卡啦！講笑啫，都會考慮吓！」此外，阿B在台上表演期間，黃奕與Eason拍手和應，並一支咪兩份用。
黃奕與阿B言談甚歡，心情似未受影響。