JW妙論黎明觸不到的蠟像

女歌手JW昨日受訪時暢談首支跳舞快歌，透露老闆黎明要求她包辦所有舞步，幸獲樂基兒教路。她又自爆初見黎明時感覺遙不可及，如蠟像館中的蠟像！

黎明（Leon）旗下女歌手JW，昨日接受唱片公司Amusic所屬的手機App《樂Loop》訪問。談到將於新碟中來個大轉變，她表示在首支主打跳舞快歌《Juicy Girl》MV中以百變造型上陣兼大騷美腿，還透露Leon要求她一手包辦所有舞步：「我當時真係好驚！驚到想即刻返英國，因為怕自己跳得唔好會樣衰！」幸得到老闆娘樂基兒（Gaile）幫忙，她說：「Gaile教我應該點樣先會跳得好睇，仲喺我面前即場示範。」而Leon為力捧愛將JW，在MV中客串一角。

重溫MV讚Hot

JW還憶述加盟Amusic初期對Leon的感覺：「最初Leon畀我感覺係好遠，你永遠都掂唔到，好似蠟像放咗喺蠟像館咁。」嚇到主持即時補鑊：「係偶像。」她亦識做地讚Leon十分隨和，更自爆曾與Leon一同翻看他以前的MV：「睇到佢嘅演出後，我忍唔住即刻同佢講：『You are so hot！』我希望將來都可以好似佢咁Hot，咁成功！」