自與陳豪撻着後，陳茵媺工作接踵而來，難怪即使陳豪被指發福，她亦力撐男友「最英俊」！茵媺昨日與傅嘉莉等出席護膚品活動時，坦言希望工作不要停，讓她儲錢買樓投資，問到會否與陳豪合資，她認為言之過早，並強調財政獨立。
對於陳豪被指發福不少，她即時維護愛郎：「係咩？我覺得佢靚仔咗！（叫佢Keep吓？）其實我哋肥瘦都係因應角色。（佢變咗大肥仔都鍾意？）性格同心地先最重要，一個人嘅性格可以改變外表！」記者笑問在她眼中是否覺得陳豪最英俊？她即甜笑說：「係呀！」認真甜到漏！
陳茵媺（左）與傅嘉莉鬥騷美腿，艷光四射！
