冼國林籲以和為貴

對於霍思燕在微博開火，矛頭直指黃奕，近年與黃奕合作無間的國藝老闆冼國林，昨日開腔替黃奕抱不平：「我聽完件事，覺得好無謂同唔開心，我認識嘅黃奕係一個好大體、有氣度嘅人，從來唔會提自己嘅家事，亦唔會做咩小動作！冇證冇據就唔好立亂公開講人，咁樣會造成誹謗，公眾人物應該自律，咁嘅做法好幼稚！」他認為思想成熟的人，應面對面講清楚，不應公開抨擊，他估計霍思燕可能是一時衝動：「衝動會造成好多傷害，做任何事之前都要三思，希望以和為貴啦！」

冼國林撐黃奕識大體及有氣度，不會亂搞小動作。