江若琳留印標淚 駿馬踢大髀
內地劇《巾幗大將軍》導演田有良昨日在微博上載女主角江若琳（Elanne）拍攝時受傷的照片，並留言大讚她像劇中角色花木蘭一樣勇敢。記者致電身在敦煌的Elanne慰問意外詳情，她透露前天因在近距離下背着馬匹講對白，以致發生意外，亦懵然不知：「因為我一時冇為意，搞到隻馬擰轉身用Pat Pat向住我都唔知，就係咁畀佢好用力咁踢咗一下大髀，即時腫晒，仲留低咗個馬蹄印添！」Elanne強調現已無大礙，着大家不用擔心：「我哋即時去咗醫院，醫生話兩、三日就可以康復，所以我聽日（今日）已經復工，只係動作戲遲啲先拍。」
Elanne稱這次受傷，比早前拍攝電影《高舉愛情》時壓傷腰更痛楚：「啲工作人員話因為馬嘅爆發力好犀利，踢落嚟成幾百磅力，好痛！（痛到喊？）我一直都死忍唔好喊，但最後都因為太痛，係咁流眼淚！」