Jessica C.激到喊 急救形象

近日流傳數張疑似模特兒Jessica C.（JC）的淫照，仍身在台灣拍戲的她連日來對事件採取封口態度，以爭取時間度橋解決。其經理人昨日表示JC日內會在微博及度期返港交代，實行親身解畫為形象救亡！

有「警鐘胸」之稱的混血女模Jessica C.繼早前涉盜竊被捕後，日前又有一批疑似JC的淫照流出，有指有人以高價四出兜售，而且數量逾百張；網上討論區竟有人發起一人一蚊籌錢買片，為人詬病。

想早日走出困局

淫照成為熱話，但身在台灣高雄拍戲的JC繼續避風頭，未有就事件回應。其公司經理人Christine昨日透露，JC日內會在微博作交代，並有意度期回港面對傳媒，以解決今次風波。昨日Christine接受電話訪問時表示JC仍身在台灣，下月初或月中返港：「佢想對呢件事回應，但佢太忙，我哋未畀到資料佢。佢都想自己出嚟交代，唔想拖咁耐，依家度期中，睇吓拍戲期間可唔可以抽一兩日返香港交代，亦希望呢兩日喺微博先同大家有少少交代。」

她稱JC受淫照風波影響而情緒激動：「佢一聽到件事即刻喊！心情好激動，一星期內發生好多唔開心事，心情起伏好大，之後冷靜落嚟就好啲。佢近期拍戲好多動作，佢好，冇時間諗，精神仲未Ready。」

雖受淫照風波困擾，但JC未因此影響拍攝工作，Christine說：「佢好識諗，佢唔想劇組失望，唔想咁脆弱，所以撐落去，佢仲叫助手提點，如果做得唔好。」她稱拍戲及廣告未有受事件影響，只是有一兩個正在度期中的工作臨時取消。

斥外人亂加意見

此外，Christine又透過短訊表示，對於有人為錢而以這種手法傷害JC及其家人，感到震驚。對於日前日模田代麻衣指JC可能遭日本公司解約一事，她在短訊內澄清：「JC兩年前來港發展時，已再冇續約日本經理人公司，根本唔存在解約問題，希望局外人不再加插不實意見。」