鍾嘉欣開心有得偷師
鍾嘉欣與馬浚偉昨日為新劇《當旺爸爸》於深水埗拍外景，提到無綫與四大破冰，嘉欣直言開心，並希望明年集中唱歌及出唱片：「當然係好事，多番歌星演出，我哋又多咗機會同佢哋合作，聽多啲可以學多啲。（想同邊個合作？）張敬軒同陳奕迅。」
至於最近正與無綫鬧解約的馬浚偉透露，剛與無綫高層傾談解約但未有進展，問到想要無綫開甚麼條件？他堅定地說：「畀咩都好，但絕對唔係畀獎我！（如果無綫以表誠意頒個『視帝』都唔使？）任何獎我都唔會要！」他坦言希望月底前公司能給他新方向：「我今年唔要『視帝』，唔代表之後冇機會攞！」
演警察的鍾嘉欣今年專注拍戲，要到明年才能集中發展歌唱事業。
鍾嘉欣到深水埗拍外景，被街坊包圍索簽名。
馬浚偉自爆剛與高層見面傾解約，講明不為獎而留低！