w-inds 自摸雙語冧粉絲

三位一體的日本組合w-inds前晚假九展開騷，首場3,000座位幾近爆滿！演唱會以一連串快板歌揭序幕，三子演繹《W.O.L》一曲時更自摸下體，令Fans瘋狂尖叫。成員橘慶太與緒方龍一其後分別以結他自彈自唱，千葉涼平則以鍵琴伴奏，當然亦少不了展示積極健身得來的麒麟臂。

今次相隔兩年再在香港開騷，三子在台上以廣東話說「多謝」、「你哋好靚」、「香港好正」等，更搞鬼地扮講電話大晒「喂喂」、「真係o架」等地道廣東話，當慶太指着剪了Skin head的龍一說：「剃光頭！」台下觀眾即報以熱烈掌聲。當最後謝幕時，熱情歌迷不肯散去，三子惟有清唱一曲作結尾。完騷後，w-inds返抵酒店，涼平再偕助手到旺角醫肚。三子結束兩場演唱會，今午搭飛機返國。