王浩信娶陳自瑤 求婚卡卡聲

王浩信早前被本報踢爆與女友陳自瑤已入紙註冊結婚，亦訂了酒席。他前日趁女友有工作在身，秘密到名店揀求婚戒指，事後坦言買了1卡有多的鑽戒作「紀念性求婚」。

無綫小生王浩信與陳自瑤（YoYo）拍拖一段日子，他日前不諱言已有結婚打算，但未正式向女友求婚。不過，浩信前日被拍得到圓方商場的名店揀婚戒，同行還有王媽媽。兩人店內左揀右揀，他不時詢問母親意見，最終見他買了一隻戒指。

事後，記者問到是否買求婚戒指時，浩信說：「係呀！（幾重啊？）卡幾囉！冇計啦！要咗人哋個女喎！（有乜求婚攻勢？）準備緊但唔講得，透露咗就冇神秘感，依家一手籌備其他嘢，自從上次畀人偷影後，我哋都要搬屋。」說到YoYo名副其實是「待嫁新娘」，他即甜笑說：「係呀！佢開心我就開心。（有咗先急結婚？）唔係！我哋都喜歡小朋友，佢都唔想年紀大先有小朋友。（咁叫佢生多幾個？）幾個咁多？唔好要佢咁辛苦，一、兩個算啦！」

吉日湊夠8條1

另外，浩信與唐寧昨日出席舞台劇綵排活動，他透露如一切順利，希望婚期定於下月11日11時舉行，湊夠八個「1」甚有意義，兄弟團則邀得羅仲謙與黃長興。唐寧則表示與兩人認識，送禮會送實際禮物，問到王浩信快結婚，演舞台劇會否收斂一下，她笑說：「唔會，更加無後顧之憂啦！」