周秀娜酸溜溜 喊住炳男友

周秀娜與男友陳偉成一直愛得癡纏，但近日卻驚爆二人因傅穎介入而陷入冷靜期，Chrissie昨日回應時暗示男友不夠坦白，還一副眼濕濕模樣，惹來為新片宣傳之嫌。

周秀娜（Chrissie）、羅仲謙、楊梓瑤（Carol）及陳嘉桓等昨日乘遊艇為新片宣傳，34E上圍的Carol以比堅尼晒事業線，搶盡密實上陣的Chrissie風頭。一向與男友陳偉成（Avis）十分恩愛的Chrissie，近日傳出Avis未有事前告知Chrissie會接載傅穎，結果惹來不誠實之嫌，加上二人近期常常分隔異地，因此陷入冷靜期，情侶關係亦降格為朋友，記者昨日問Chrissie與Avis是否變回朋友？她說：「咁大家的確少咗相處時間，不過主要原因都唔係呢樣。（接載Theresa事件？）我未小家到咁，佢咁鍾意做柴可夫，我好樂意畀佢做！（係咪對你唔坦白？）感覺奇怪囉！我係從經理人口中得知，平時習慣打咗底先。（對男友係咪大打折扣？）我嚟緊都要去內地拍劇，大家可以冷靜吓！（都冷靜咗兩個月！）做咩一嚟就撞鬼！」說罷她即眼濕濕。

謙仔嘆與舊愛無緣

而謙仔對於舊愛傅穎成為Chrissie感情現暗湧的導火線大感愕然，問到有否感到他的感情事牽連Chrissie？謙仔無奈指只是與傅穎沒有緣分。另一方面，談到Jessica C.繼涉盜竊後再有疑似淫照流出，Chrissie與謙仔同聲替為對方感到慘情，Chrissie直言此舉對女性傷害甚大，她亦沒有拍親熱片段習慣：「平時工作成日對住鏡頭，所以做嗰啲嘢係享受，仲要對住鏡頭會好。」