李嘉欣Phone狂 馬桶執到寶

李嘉欣前晚自爆趁老公許晉亨不在家，與母親講老公壞話，昨日亨亨卻送上驚喜，將全城熱爆炒逾萬元一部的智能手機iPhone 4S收埋廁所氹老婆，非常浪漫。

令全城「Phone」狂的iPhone 4S水貨空降香港，即掀起全城炒賣熱潮，「身價」急升至每部逾萬元。原來大美人李嘉欣已搶先擁有，昨日更在微博晒幸福，送禮人當然是老公亨亨。其實前晚嘉欣在微博自爆講老公壞話：「正在與M媽享受這飯後甜蜜蜜。老公不在家，還可以盡情講他壞話，感恩！」

網友讚亨亨浪漫

昨日亨亨即送上驚喜，將一部iPhone 4S放在廁所馬桶上讓老婆發現，昨午嘉欣發現禮物即拍照上微博：「在馬桶發現了……」獲逾千名網友大讚亨亨浪漫。

追趕潮流的還有寸嘴模Jeana，心動想購買；而張智霖坦言已訂貨：「我喺經銷商訂咗，因為舊機壞壞哋先訂。之前有水貨店老闆叫我用港幣9,800『入貨』，但我冇照做，以前科技冇咁發達，用過萬蚊買手機都合理，但依家咁貴太誇張！」

蒙嘉慧嫌水貨貴

不過，亦有不少藝人拒絕購買新iPhone，蒙嘉慧說：「等到有行貨先，我一直支持佢哋嘅產品，但唔會用唔合理價錢去買水貨！」模女神周秀娜自言是慳妹，嫌新手機炒價太高不捨得買：「唔知有冇客戶或裙下之臣送呢？其實我唔心急，等正貨出再考慮！」對於新手機聲控功能，影壇長腿靚女陳嘉桓笑說：「我手指仲好靈活，唔使聲控！」